Díli, 18 Jullu 2024 – Laudato Si’ Movement (LSM-TL), organizasaun foinsa’e ba ambiental, hala’o hela Konferénsia Lokál husi Foinsa’e kona-ba Mudansa Klimátika ba tinan 2024 nian durante loron-tolu, husi 18 to’o 20 Jullu 2024 iha UNIO Dili, Timor-Leste. Konferénsia ne’e fornese plataforma ba foinsa’e Timor-oan sira hodi liga ba malu no diskute kona-ba impaktu mudansa klimátika iha Timor-Leste no rejiaun, no oinsa bele rezolve.

Objetivu husi konferénsia ne’e mak hakarak atu hasa’e abilidade no koñesimentu foinsa’e Timor-oan sira no kapasita sira hodi sai komunikadór no negosiadór ne’ebé informadu no efetivu iha asuntu mudansa klimátika. Objetivu ikus husi konferénsia ne’e mak atu rekolla foinsa’e sira nia hanoin no hamutuk prodús estatementu foinsa’e nasionál nian kona-ba klimátika, ne’ebé mak sei kontribui ba estatementu foinsa’e mundial nian, parte ida husi mudansa klimátika Konvensaun Nasoens Unidas nian.

Fundadór Laudato Si’ Movement Timor-Leste, Dircia Beloe hateten: “Joven sira-nia envolvimentu importante tebes ba kombate mudansa klimátika. Sira lori ideia foun, solusaun inovativu, no urjente ba asuntu ne’e. Bainhira ita empodera sira ho koñesimentu, rekursu, no plataforma ida ba sira-nia lian, ita bele uza sira-nia enerjia no kriatividade hodi lori mudansa signifikativu no harii futuru ida ne’ebé sustentável ba ema hotu.”

Iha ninia diskursu iha sesaun abertura konferensia nian, Konselleiru Interinu ba Dezenvolvimentu Ekonomia iha Embaixada Australia nian iha Timor-Leste, Thomas Wooden dehan: “Eventu ida-nee, ne’ebe foin-sae lidera, bele kapasita joven sira iha Timor-Leste hodi envolve ho asuntu mudansa klimatika, liuhusi experiensia aprendendizazem atu bele dezenvolve abilidade hanesan hanoin kritiku no negosiasaun. Austrália orgulho bele apoiu Konferénsia Lokál husi Foinsa’e kona-ba Mudansa Klimátika ba tinan 2024!”

Depois de konferénsia loron-tolu, foinsa’e sira ne’e sei hakerek sira nia istória kona-ba impaktu husi mudansa klimátika ba sira nia komunidade no papel foinsa’e nian ba responde problema mudansa klimátika.

Konferénsia Lokál husi Foinsa’e Timor-Leste kona-ba Mudansa Klimátika 2024 hetan apoiu husi Governu Austrália, The Asia Foundation, no Seastainable Co.

Konferénsia Lokál husi Foinsa’e Timor-Leste kona-ba Mudansa Klimátika 2024 hetan apoiu husi Governu Austrália, The Asia Foundation, no Seastainable Co.

Hotu

Kontaktu media:

Isaura Barros, Pontu Fokál LCOY iha Email:  isaura.barros04@gmail.com ou tlf: +670 78569680

Joshua Willian Alwyn, Media and Communication Mentor LCOY iha email: josuewillianalwyn@gmail.com ou telf: +670 76506639