RegiNet: Transformasaun Timor-Leste nia Sistema Rejistrasaun Emprezarial
Jere dadus ne’ebé bo’ot ho manual det, bele halo ulun moras no la efisíente. Dezafius ne’e mak hasoru husi Timor-Leste nia Servisu ba Registrasaun no Verifikasaun Emprezaríal (SERVE), ajensia Governu ne’ebé responsabiliza ba halo rejistrasaun emprezarial. Tinan barak ona, SERVE uza deit Microsoft Excel no Access hodi rai no organiza sira nia dadus rejistrasaun emprezarial ne’ebé sempre aumenta ba bebeik. Maibe, programa Microsoft rua ne’e la dezeña atu rai no jere dadus ne’ebé bo’ot. Programa ne’e mos la iha seguransa, risku ba hetan virus, no difikulta no han tempu barak atu asesu informasaun.
Mateus Castro, ho sistema RegiNet ne’ebé hatudu dadus negósio iha komputadór.
Situasaun muda wainhira SERVE adopta RegiNet, sistema dijitál rai dadus ne’ebé modernu. Ho RegiNet, dadus sira rai ho seguru, sentraliza iha fatin ida, no asesu lalais. Staff sira husi sukursal mos la presiza ona viajem do’ok hodi haruka sira nia dadus iha USB, tamba bele halo ona online.
Ba Mateus Castro, SERVE nia Koordenadór Jerál ba Operasaun Sukursal, RegiNet sai hanesan mudansa importante. “RegiNet hafasil hau nia servisu,” dehan Mateus. “Wainhira hau presiza informasaun espésifiku ruma hanesan sexo husi nain ba negósiu, sira nia fatin negósiu, tipu negósiu, ami bele buka deit online liu husi RegiNet. Sistema ne’e lalais, fo informasaun ne’ebé lo’os, no halo ita bele akompaña progresu iha sukursal sira.”
Nia hatutan tan katak, nia la presiza ona programa sira hanesan Excel no Access hodi jere dadus. Mateus hanoin fila fali wainhira uza programa antigu sira ne’e: “Ami labele rai informasaun hotu iha fatin ida, no programa sira ne’e labele rai dadus rejistrasaun emprezarial ho volume bo’ot.”
Dulce Vitor, Ofisíal Baze de Daus SERVE nian iha sukursal Dili, fahe mos esperensia hanesan. “Agora fasil liu atu hatama dadus rejistrasaun emprezarial nian,” nia hateten. “No wainhira hau nia kolega sira husu relatoriu ka dadus espesifiku ruma, hau bele buka lalais no la hasoru difikuldade.”
RegiNet ajuda ona SERVE nia servisu sai efetivu liu tan, liu husi hadi’ak analize dadus, halo desizaun, no responde ba pedidu ho lalais. Agora sira bele ona monitoriza emprezáriu hirak ne’ebé mak ativu hela, evalua distribuisaun jéneru emprezáriu sira, no fahe dadus importante sira ba parte interesante hirak ne’ebé presiza informasaun detallu kona-ba negósiu iha Timor-Leste.
Dulce Victor inputs business registration data into RegiNet system.
Mateus Castro fo treinamentu ba SERVE nia Ofisial Baze de Dadus
Mudansa importante ida ne’e bele akontese tamba hetan apoiu husi Austrália nia programa PROSIVU, ne’ebé mak finansia plataforma ne’e no fornese peritus tékniku. “PROSIVU ajuda dezenvolve no adapta sistema ne’e tuir ami nia nesesidade,” Mateus esplika. “Wainhira Sistema iha fatin ona, PROSIVU fo treinamentu mai hau no kolega sira seluk kona-ba oinsa uza sistema ne’e, no hau treinu tutang fali kolega sira iha munisipiu.”
Ho ekipa ne’ebé treinadu ona iha sukursal sira hotu no sistema dijitál ne’ebé sentralizadu iha fatin, SERVE nia ofisíal database iha sukursal sira hotu iha ona kapasidade hodi jere dadus emprezarial ho efetivu. RegiNet la gasta tempu, reduz stress, no hadia fornesimentu servisu públiku, marka kapítulu foun iha rejistrasaun negosiu ba Timor-Leste.